"STEM Azərbaycanda" layihəsi İnternational STEM Education Conferance-da!

 Məlumdur ki, bütün qabaqcıl təhsil sistemləri innovativ təlim metodlarını, STEM  əsaslı təhsil proqramlarını mütəmadi olaraq sınaqdan keçirir. Uğurlu nəticələr verən təhsil proqramlarının müxtəlif məktəblərin, qabaqcıl müəllimlərin fərdi tədris prosesinə nüfuz etməsi artıq normal qəbul edilən haldır. Son dövrlərdə Təhsil Nazirliyinin STEM məzmunlu müxtəlif innovativ təlim metodlarını öz tədris prosesinə tətbiq edən müəllimləri dəstəkləməsi, müxtəlif təlim və layihələrə cəlb etməsi halları getdikcə artmaqdadır. Sevindirici haldır ki, 3-cü ildir davam edən "STEM Azərbaycanda" layihəsi bu istiqamətdə öz kiçik xidmətlərini görməkdədir. Layihə rəhbəri Aliyə Əhmədovanın  birbaşa təşkilatçılığı və Təhsil Nazirliyinin dəstəyi ilə “STEM Azərbaycanda” layihəsinin üzvü olan, Azərbaycanın müxtəlif bölgələrindən bir qrup təbiət və texniki fənn müəllimləri qabaqcıl təcrübələrin öyrənilməsi məqsədi ilə 13-14 iyun tarixlərində Türkiyənin İstanbul şəhərində təşkil edilmiş “İnternational STEM Education Conferance”da iştirak etdilər. Belə ki, konfransın müxtəlif bölmə sessiyalarında Sona Hacılı, Aliyə Əhmədova və Fəridə Abbasova öncədən konfrans proqramında təsdiq edilmiş STEM məzmunlu təqdimatlar etmiş, sualları cavablandırmışlar. Konfransın təşkilat komitəsinin rəyi əsasında Aliyə Əhmədova və Sevinc Həsənova konfransın müxtəlif bölmə sessiyalarına da həmsədrlik etmişlər. Konfransın ilk günündə müxtəlif təhsil şirkətlərinin, layihələrin, məktəblərin təmsil olunduğu STEM Show Time sərgisində  “STEM Azərbaycanda 2019”  layihəsi uğurla iştirak etmişdir. Layihənin stendi xüsusi maraqla qarşılanmış, maraq kəsb edən  suallar sərgi stendinə cavabdeh olan Farida Abbasova, Yeganə Ramazanlı, Sevinc Nəzərova tərəfindən ətraflı cavablandırılmışdır. 

Beynəlxalq mükafata layiq görülən "STEM Azərbaycanda "layihəsi!

Layihə və qrup rəhbəri Aliyə Əhmədovanın verdiyi məlumata görə, İnternational STEM Conferance çərçivəsində, The European STEM PD Centre Network’s təşkilat komitəsinin rəyi əsasında  “STEM Azərbaycanda 2019”  layihəsi “Best of STEM Education: Social Impact” mükafatına layiq görülmüşdür. Mükafatı layihə üzvlərinə Türkiyə milli təhsil nazirinin müşaviri M. Hilmi Çolakoğlu,  STEM PD  və STEM Aliance - Türkiyə səfiri prof. Gültekin Çakmakçı təqdim etmişlər. Zəhməti keçən işçi qrup Sona Hacili, Aliyə Əhmədova, Sevinc Nazarova, Farida Abbasova Yegane Ramazanova  və Sevinc Hesenovaya təşəkkur edirik.

Azərbaycanın ilk beynəlxalq STEM səfirləri "STEM Azərbaycanda" heyyətindən təyin edildi!

13-14 iyun tarixində Türkiyənin İstanbul şəhərində keçirilən İnternational STEM Education Conferance-da European STEM PD Centre Network-un  təşkilat komitəsinin rəyi əsasında Azərbaycan üzrə STEM PD səfirləri də təyin edildi. Mənbə: https://stempd.net/t%C3%BCrk%C3%A7e Azərbaycan üzrə STEM PD Ambassadors - STEM PD Səfirləri "STEM Azərbaycanda" layihəsinin heyyətindən təyin edildi:
Aliyə Əhmədova - "STEM Azərbaycanda" layihəsinin rəhbəri, Azərbaycan Respublikası Qabaqcıl Təhsil İşçisidir.
Fəridə Abbasova -"STEM Azərbaycanda"layihəsinin fəal üzvü, "İstedadlı şagird üçün istedadlı müəllim" müsabiqəsinin informatika fənni üzrə I yer qalibidir.
Qeyd edək ki, adıçıkilən konfrans Avropa STEM PD mərkəzi, STEM Aliance şəbəkəsi, İCSE, Türkiyə Milli Təhsil Nazirliyi, Hacettepe Universiteti və istanbul Ayvansaray Universitetinin təşkilatçılığı ilə, Avropanın 23 ölkəsindən 500-ə yaxın təhsil işçilərinin iştirakı ilə reallaşdırılmışdır. Azərbaycan bu beynəlxalq konfransda 13 nəfərlik müəllim heyyəti ilə iştirak etmişdir. Konfransın əsas məqsədi STEM məzmunlu təlim keçən təhsil işçiləri, layihələr, şirkətlər arasında əməkdaşlığa nail olmaq, qabaqcıl təcrübələri payşlamaq və yaymaqdır.